|
« انتخابات ! |
Main
| collection ! »
! انطلقت الشرارة من آلاء اقترحت علي أن اكتب مقالا يفيد الهواة الراغبين في دخول ميدان التصوير التجاري كان ذلك قبل 4 أشهر أو أكثر توالت انشغالاتي والموضوع ما زال في بالي واستغليت انشغالها بفترة الدراسة لأؤجل العمل قليلا وما إن انتهت .. حتى أوشكت على الانتهاء لكنه لم يكن مقالا فحسب بل كانت مذكرة شاملة تضم خطوات عديدة من إعلان المصور عن نفسه وحتى تسليمه الصور للزبون هذه المذكرة البسيطة هدية مني لكِ آلاء بمناسبة التفوق الباهر الذي استحقيتيه بجهدك وهي هدية لكل محب للتصوير التجاري ويطمح أن يعلو كعبه فيه : إليكم المذكرة بشرطين1- لا تنسوني بدعوة صادقة من القلب 2- إن وجدتم فيها قصورا أو أخطاء أو اقتراحا لتطويرها فلا تبخلوا علي بها  متمنيا أن تحوز على إعجابكم
رايت كلك .. وسيف ..:: خالد ::..
|
Comments
السلام عليكم ورحمه الله وبركاته
بسم الله الرحمن الرحيم
(وقل اعملوا فسيرى الله عملكم ورسوله والمؤمنون )
صدق الله العظيم
الشغل الصادق والعمل في المجال الي انته تعشقه هوه الي يخليك تتقدم
وتكون بالمستوى المطلوب
والتميز خصصته لنفسك بالعمل الجاد والمتقن
والله يوفقك ويعطيك العافيه
Posted by: نوتيـــــــــــــــــــــلا | July 5, 2006 11:57 PM
YOU
ARE
GREAT
Posted by: Evans | July 6, 2006 04:04 PM
أتعب مع الشغل النظيف يبووليد
بقوة أتعب
جهد رائع منك ... وحق على كل واحد شاف هالجهد انه يدعيلك بالتوفيق
موفق بووليد : )
Posted by: أحمد العمودي | July 7, 2006 02:59 PM
ادعي من ربي يغفرلك عدد كل حرف كتبته وكل عمل خير سويته وكل صورة جكيتها لول ;)
شفيك دعاء صادق هذا ترى من القلب :)
والله تستاهل كل خير يا خالد الله يعطيك العافية ويجازيك بالخير انشالله .. والى الامام يا "مبدع" :)
خدافس :)
Posted by: Manooya | July 7, 2006 07:11 PM
السلام عليكم ورحمة الله وبركاته
ما شاء الله إبداع يا خالد !
الله يحفظك ويبارك لك في وقتك
:)
صار لي فترة ناوي اشتري كيمرا جديده وكل مره أأجل الموضوع لكن شكلي خلاص بعزم بعد ما قريت المذكرة
الله يجمعنا مره ثانيه على خير
اخوك بوجسوم القطري
Posted by: خالد بوجسوم الملا | July 8, 2006 09:15 AM
نوتيلا ::
وعليكم السلام ورحمة الله وبركاته
أجمعين ان شا الله يا مال العافية =)
وفعلا .. اللي يشتغل بالمجال اللي يحبه يبدع ويخلص بالشغل ..
والف شكر للشعور الحلو هذا
Evans ::
أنا إنسان بسيط .. =)
لا تعطوني أكبر من مستواي
كلها مذكرة بـ 15 صفحة أي شخص لو فرغ نفسه يومين راح يكتب نفسها
صح ؟ وإلا أنا غلطان ؟
بو حميد ::
إي والله .. كل اللي نبيه دعاءكم =)
تسلم لي بو عكسه =p
Manooya ::
أجمعييييييين يا رب
مشكورة على دعائج =)
بو جسوم القطري ::
وعليكم السلام ورحمة الله وبركاته
تدور الفلوس شكلك =p
لوول .. أتغشمر .. بس احنا نتشرف تنضم لنا في قافلة المصورين التجاريين الهواة اللي على قد حالهم =p
انزين محد عنده ملاحظات ؟ اقتراحات ؟ أحد يقول المذكرة بايخة مثلا ؟
..:: خالد ::..
Posted by: ka4 | July 8, 2006 01:54 PM
لا مو صح ..
آنا فاضية مو يومين طول حياتي ،
بس ما راح أقدر أسويها ..
لأني ما أعرف للـ
Adobe in Design
:p
Posted by: Evans | July 8, 2006 05:11 PM
Evans ::
للعلم بس .. التصميم بالباور بوينت
ما عمري فتحت الان ديزاين
=/
الحين بتسوينها ؟
Posted by: ka4 | July 8, 2006 09:55 PM
لول
لكن والله اذكر يا خالد إن بسببك تعلمت على السويش وباين بسببك راح ادخل مجال البزنس في التصوير :P
وبالنسبة للإقتراحات صراحة كان في بالي شئ
وهو كان ممكن اتضيف إنك مفترض إن الشخص اللي يقرأ هاذي المذكرة عنده الخلفية الفلانية في انواع الكيمرات وما إلى ذلك
او حتى ممكن اتضيف نوع الكيمرات بشكل اوضح ومفصل اكثر وانواع العدسات وما إلى ذلك
جهد مبارك والله يا بووليد
اشوفك على خير
Posted by: Khalid Al-Mulla | July 8, 2006 10:39 PM
بو جسوم ::
تصدق ما أذكر إني علمتك عالسويش =/
أنا نساي حدييييييييي
أما بالنسبة للاقتراحات .. فأنا مفترض إن كل واحد يقرى هذي المذكرة يكون قاري اللي قبلها .. خطوة اولى تجاه الضوء
تحصلها على
www.ka4.org
فيها شرح الكاميرات والعدسات بالتفصيل :)
..:: خالد ::..
Posted by: ka4 | July 8, 2006 11:38 PM
هلا السمي
يا الحبيب إنت ما علمتني بمعناها إنك قلت لي خالد شيل وحط وترى جذيه يسوون
الله يسلمك من كثر ما كنت إنته مستانس على السويش انا قلت خلني اشوف واتعلم
واذكر دخلنا متسابقين في مسابقة الفلاش الرمضاني في إنشاد
وإنته طلعت المركز الثاني فيه وانا الثالث وبوشهاب الأول
واصلاً انا ما تقابلت معاك إلا مره وحده مع العجيل بمطار الكويت اب بيتزا اكسبرس
:)
حبيب يا بووليد
اشوفك على خير
Posted by: خالد بوجسوم | July 9, 2006 01:50 AM
أها
@_@
عبالي بالـ إن ديزاين ..
أمس نزلته وقعدت أشتغل عليه وتعلمت له
-..-
قاعدة أسوي شي بسيط للمبتدئين لكنه بالإنجليزي ،
وماشاءالله شبابنا ثقافتهم رومانية ما يعرفون إنجليزي ،
فما أتوقع حد بيستفيد منها غير ديفيانت آرت ..
Posted by: Evans | July 9, 2006 07:00 PM
بو جسوم ::
بييييييييييييه .. تذكر المسابقة ؟
كانت من اوائل المرات اللي اشتغلت فيها على السويش .. أذكر زين فلاش بو شهاب .. كان قوي حده
وطبعا أذكر يوم شفتك بالمطار .. بس على فكرة أظن احنا تقابلنا قبلها .. لما مريناك بيت أهلك في خيطان أنا والعجيل .. صح ؟
حسيت إني أتذكر أشياء من سنة الطفحة =/
Evans ::
شي حلو .. وايد حلو
وراح تستفيدين وااااااايد من كتابة المذكرة .. بتسوي ريفرش حق معلوماتج
بس عندي ملاحظة .. ليش ما تسوين شي بالعربي ؟
ترى ما عندنا مصادر عربية وايد .. والانجليزي تارس العالم ..
دام فيج حيل .. خليه بالعربي وخلي الجمهور يستفيد =)
ها شقلتي ؟ بتسوين بالعربي خلاص =) ؟
مادري منو ديفيانت آرت .. بس أنا بعد بستفيد حتى لو كانت انجليزي =D
..:: خالد ::..
Posted by: ka4 | July 11, 2006 02:34 PM