|
« التصوير التجاري للهواة ! |
Main
| منتقى الأوج .. بدأ ! »
مرحبات كثيرات اليوم حوسة .. وعندي وايد مواضيع .. وكل ما أقول بأخر الكتابة تطلع مواضيع يديدة .. والحين قاعدين ينادوني حق العشا .. بس ماني مأخر أخاف يطلع موضوع يديد 
: انزين بسرعةاليوم كان عندي دورتين تصويردورة العصر من 5 إلى 6:45ودورة من 7 إلى 8:20حسيت بالانجاز .. وايد كان الإحساس حلوخصوصا إني حسيت إني بدعت بالأولى وايد .. وقدمت زين بالثانية حسيت إن صار عندنا وااااااااايد شباب مهتمين بالتصوير .. خصوصا إن معظمهم طلبة ثانوي او أول سنة بالجامعةشي يونس والله
أما الشي اللي يبط الجبدرحت أصلي بعد الدورة في مسيد في منطقة قرطبةوقرطبة منطقة تعتبر راقية .. وراقية جدادخلت صليت .. وطلعت بعد الصلاةأدور نعالي مو ذاكر وين صفطتهاأدور وأدور وأدورماكوأقول دعاء الضالةمو لاقيها المشكلة نعالي قديمة .. وكل يوم أقول بروح أشتري وحده يديدة بس الوقت ما يسمحوفي نعل واااااااااااايد أحلى من نعالي صج هذي نعالي وأنا مشرفها بدوستي الكريمة
 بس كان شكلها مقزز جدا
المهم .. نطرت .. قلت يمكن أحد ماخذها بالغلط وبيرجعمشو كل الناسوبقيت انا بسوماكو نعال تشابه نعالي ممكن يكون واحد غلط فيها.. أمري للهخذيت نعال وضو ومشيتكان عندنا حفلة .. بس طبعا ما رحترديت البيت على طولوالحين لازم أرجع المسيد باجر أرجع النعال اللي أخذتها أقول حق الطلاب في الدورة : أنا محارب كل سكان قرطبة .. ما يحترمون ضيوفهم
!! أقول لهم : لو في صباح السالم أقول عادي .. بس تنباق نعالي في قرطبة هني في علامة استفهام كبييييييييييرة .. الشي المهم اللي يبي ييب لي نعال فيتال يديدة مقاسها 41 ما راح أرده .. موضوع يديد بعد فنّون بنت اختي الصغنونه
 اليوم فاجئتنا وصعدت الدري كله
الله يستر منها .. هالبنت شيطانة.. اليوم صعدت الدري واهي بعدها ما تمشي باجر إذا مشت بنشوفها بالشارع فجأة .. ادعو الله يحفظها وتتربى بعز أمها وأبوها في مواضيع وايد عندي .. بس بختصر بوريكم صورة خطيرةمصورها في متحف صدق أو لا تصدق عندي بالدواممن الفضاوة خذيت كاميرتي وصورت جم صورةكان من بينهم هالصورة 
اضغط عالصورة تطلع كبيرة وبستأخرت عالعشا  يالله تشااااااااااااو
..:: خالد ::..
|
Comments
لووول .. سلام :)
اول شي الله يعطيك العافية عالمجهود وانشالله كلهم يطلعون من الدورات بافكار يديدة وياخذون مسحه من ابداعك :)
ثاني شي لوول مو خوش موقف صراحه =\
بس تعال من وين تشتري نعولك افا عليك قول وثاني يوم تلقاه سافط عند باب غرفتك .. يا عيب الشوم عليكن يا عيال قرطبة =\ ! !
يحليلها صغيرونه الله يخليها لكم انشالله وتشوفونها تنط حواجز :)
بالنسبة للصورة .. مو شي يديد عليك .. ماشالله عيني عليك باردة "الله جميل يحب الجمال" .. وانت تبدع في الجمال دائما .. الله يحفظك يا رب --
خدافس :)
Posted by: Manooya | July 8, 2006 11:41 PM
LOL
حلوة الصورة بس صعب أفهمها من أول شي !
لول أول مرة شفتها عبالي باب وفلتر من فلاتر الفوتوشوب اللي بو طقة !
وعيال قرطبة مو كلهم راقيين .. أصابع يدينك مو سوا
;p
موفق
Posted by: Evans | July 9, 2006 06:56 PM
Manooya ::
عليكم السلام
قلنا نعال "فيتال" يعني ماركتها فيتال .. يبيعونها بمجمع المثنى والمهلب وأي مكان فيه ايكو يبيعونها معاه
دليتي =/ ?
Evans ::
أنا استعمل فلاتر بو طقة ='( ؟
الله يسامحج
صوري فريش .. فرفوش فرفروش
ومثل ما قلتي .. الصالح والطالح موجودين كل مكان .. بس أنا بحسن الظن وبقول عابر سبيل مسكين ياي من جليب الشيوخ وانقطعت نعاله
=)
..:: خالد ::..
Posted by: ka4 | July 11, 2006 02:45 PM
لوول تعرف المثل اللي يقول "وا عليا وا على حالي كنت اصلي باقو نعالي" :) ؟؟
اهداء حقك :P
تعيش وتاكل غيرها "نياهاهاها"
لما استلم معاشي يسير خير انشالله =\
ما تبي استعمال خفيف ^_^ ؟؟
Posted by: Manooya | July 11, 2006 11:01 PM
ما تشوف شر .. تكبر وتنسى
:)
وعسى الله يحفظ لكم الصغيرة .. وتنشأ النشأة الصالحة
:)
شنو هالصورة .. حاولت أترجمها بس ما عرفت
!
تصدق وايد ناس هالأيام هابين بالتصوير .. وأنا واحد من هالناس .. بس للأسف أحس روحي عليمي حيل .. كل مرة أنوي أدش دورة ما الله يكتب
يمكن يكون هذا أول تعليق لي في مدونتك .. بس تراني متابعها من زمان
بالمناسبة .. مبروك فوز دعيج الشمري .. صاحب أحلى إعلامية مرت علي في الانتخابات بدون مبالغة
:)
Posted by: أبو محمد | July 16, 2006 12:32 AM
Manooya ::
no comments !!
أبو محمد ::
أول شي نور البلوق فوق النور اللي كان فيه .. =)
الصورة أنا شرحتها في هذا المنتدى
http://www.des-spot.com/fm/showthread.php?t=1452
بعدين ما في انسان انولد مصور
كلها بالممارسة والتعلم .. ومعلومة هني ومعلومة هناك وتصير خبير أد الدونيا
وترى الدورات صارت منتشرة بالكويت
بيت لوذان والنادي العلمي والجامعة والتطبيقي وكل مكان قامو يسوون دورات
بس يبيلها دقة سلف =)
وووو الله يبارك فيك ;)
..:: خالد ::..
Posted by: ka4 | July 17, 2006 02:42 PM