فاز دعيج الشمري

عالبركة والله ياجماعة

تعبتوا ونلتوا

مبروك حق حدس

: )

ألف مبروك ..
ما أعرف هالمرشح بس والله مبين عليه خوش واحد ..
فيه ناس بس تطل بوجهها تحس إنها ناس فالحة ..
المهم ما يكون طائفي بس .. ما نبي تفريق نبي كلنا إيد وحدة للبلد ..

سلام :)
الف الف مبروك حق دعيج الشمري صراحة ريال والرجال قليل وماعليك زود طاريه يرفع الراس ومثل ما تعودنا عليك انت ما توقف الا مع الناس اللي فعلا تستاهل الوقفة وتنصر الحق .. يعطيك الف عافية وعساك عالقوة ..
والله كانت فعلا شي مفاجئ وفترة صعبة .. انا عشتها كوني اشتغل بشركه دعاية واعلان - احدى الشركات المتعددة اللي اللي اشتغل فيها- لول
فكنا نشتغل حق اربع مرشحين متخيل ؟
وطبعا شغل الطباعه والتنسيق واعلانات الجرايد والدعوات انا اللي اسويه بحكم ان مديري مفتاح انتخابي حق احد المرشحين وربعه بعد مفاتيح فأهو يصيغ وانا انفذ يعني باختصار كان شهر عصيب !
بس بغض النظر عن تعب الشغل والضغط اللي كنا نعيشه كنت احس بمتعة الانجاز لما اشوف طباعاتي على الجرايد والبروشورات وغيرها بما انها تجربة يدية بالنسبة لي .. لاني اول مرة اشتغل بمجال الاعلانات .. بس كان ودي الفرحة تكمل ويفوز المرشح اللي كنت اتمناله الخير اهو واحد من اهلنا بس ما حالفه الحظ انشالله المرات الياية وبصراحة ما كنت اتوقع انه راح يفوز لانه يديد في الساحة بس ياب رقم لا باس فيه ..
اهني كل اللي فازو من قلب واتمنى انهم يكونون قد المسولية ويكون همهم الكويت قبل كل شي لا مصلحة شخصية ولا طائفية ولا قبلية
وسوري بو وليد على الطوالة ادري انا ما انعطى ويه :)
ويعطيك الف مليون عافية على الجهود وجزاك الله خير
اتمنى الفرحة تكمل ويعيدون النظر بسالفة جمال العمر لان باسل انظلم فيها
خدافس :)

أحمد ::

الله يبارك بحياتك حبيب قلبي

وإن شا الله هالتعب ما يضيع =)



Evans ::

الله يبارك بحياتج

صدقتي والله .. كل من يطل بويهه يقول هالانسان سمح ما شاالله عليه

ومن ناحية الطائفية لا تحاتين .. مو صوبها كلش =)



Manooya ::

الله يبارك فيج .. ويعطيج العافية عالشغل اللي اشتغلتيه

ما يحس فيج إلا واحد مجرب .. (يعني كلش مو أنا) .. لوول

صراحة أنا مكيف عالنتايج .. وجان زين ينقبل طعن باسل الراشد ويخسر جمال العمر

ما نبي الشراية بالمجلس .. نبي مجلسنا نظيف =)




..:: خالد ::..

لقد إلتقيت بك أول مرة في الانتخابات ولعلي كنت أراك في أماكن متفرقة وأسمع عنك قليلاً، المهم أني سعدت بلقياك والتعرف عليك عن قرب ،فوجدتك ذلك الشخص المميز بأخلاقه وذوقه وحبه لهذا الدين ..
جمعنا وإياك في فردوسه الأعلى

أخوك الصغير
بدر الجساس

بدر ::

إذا أنا مميز بأخلاقي .. شيكون بدر الجساس ؟

ما أبالغ إذا قلت إني تشرفت إني تعرفت على شخص راقي جدا جدا جدا جدا بالتعامل والأخلاق والنفس الحلوة .. الله يتمم عليك ويزيدك

وعسى الله يوفقك في الوظيفة اليديدة .. بس لا تخليك تقطعنا =)


سلامي لأهل النزهة كلهم =)



..:: خالد ::..