السلام عليكم

ما شاء الله

بالبركة افتتاح البلوغ اليديد بو وليد
يه يه وصرت من أصحاب البلوغات
خلاص .. نبي عزيمة عشاء على شرف المدونة اليديدة

يالله شد حيلك ، وان شاء الله تعزمني على العشاء هني في امريكا
;)

بو عبدالله

الصراحه يا بو وليد جهودك محد ينكرها و ما ينكر جهودك إلا جاحد أو حسود ، و الصراحه ذكرتني بالصيف الماضي لما عملنا نشاط صيفي للناشئة وكان الحضور 440 مشارك وكان لدي الفصل الصيفي في الجامعه بالإضافه إلا الأفراد المسؤول أنا عنهم شخصيا .
و هذا يذكرني أيضا بالحج .
فلا تحزن يا بو وليد الكل ضايق من هالكاس ................

قواك الله يا خالد .. =)
صراحة موضوع جيد وحالة نعيشها كل يوم -احنا بالفئة الكادحه- لول p:
ممكن اعقب على كلامك =) ؟
انا وحدة من الناس من خلصت دراستي ما حبيت اقعد فاضيةاشتغلت بوايد اماكن وانا بعمر صغير المهم ان اخر ما توصلت اليه اني اشتغل حاليا من 8 الصبح لي 10 بليل متواصل بمكانين مختلفين مافي بينهم مجال يذكر من الوقت .. اهو صح تعب بس شي جميل لما تحس انك منتج .. هذا الاحساس مع محبة وتالف زملائي في العمل ممكن ينسيني التعب ومثل ما قلت ما ارد البيت الا وانا شبه فاقدة الوعي من قلب =) !
وااايد اتامل وافكر بالفئة اللي تكلمت عنها .. وايد يكسرون خاطري وبنفس الوقت اتعاطف معاهم واحاول اساعدهم مو بس ماديا لان المادة مو كل شي .. تقدر تكسب الناس بابتسامة وكلمة طيبة هذي كفيلة انها تواسيه وترفع معنوياته وما يحس انه مجرد اله او جهاز يسوي وظيفته والسلام .. فبالنهاية يبقى انسان وله حق وانه ما تغرب الا واهو فعلا محتاج .. الله يعينهم ويعين الجميع ..
(وان تعدو نعمة الله لا تحصوها)-صدق الله العظيم- الف الحمد والشكر لك يا رب
سامحوني طولتها عليكم .. وسوري بو وليد جني احتليت بلوقك =\

شفت اللي صار يا خالد
وينك عن هالموضوع من زمان:)))
مديري عطاني عطلة الجمعه عشان في موضف يديد يبون يجربونه بروحه .. يا جماعة ترى ربكم عطوف رحيم بس لا تقصرون وياه بالعبادة والشكر .. فعلا بالشكر تدوم النعم !!
مهما حمدت وشكرت انا مقصرة .. ببجي حدي :))

بو عبدالله ::

الله يبارك بحياتك يا الغالي والعزيمة ياية ان شاء الله .. ما تفكر إلا بالبلعة أعرفك :p

بس هاااا .. ترى شكلها كندا خلاص .. تبي عزيمة تعال فان كوفر :)

وشرفتنا يا المغترب ;)



مصورنا المحترف ::

أسفر البلوق وأنور .. يه يه يه .. عمر بورحمة بكبره مشرف

عزيزي .. مثل ما قلت .. الكل ضايق من هالكاس .. بس لا ننسى نعمة الله علينا .. كاسنا وايد أسهل من غيرنا .. الحمدلله

وخلنا نشوفك ;)



Manooya ::

قواج الله والله يعطيج العافية

وصج الله يعينج .. انا من 8 لي 4 وارجع البيت هلكان

شلون تتحملين لي 10 .. ما شالله عليج

ومبروك العطلة أم يوم :)


..:: خالد ::..

السلام عليك ورحمه الله

شحالك

لازم تصبر يا بو وليد اذا تبا نتيجه حلوه لازم تواصل في الشغل

ان الله لا يضيع اجر من احسن عملا

الابداع يباله شغل

عساك على القوه دايما>>كويتي منقع
خخخخخ

سلام

عليا ::

وعليكم السلام ورحمة الله وبركاته

الله يقويج :)

والحمدلله عدت فترة الانتخابات على خير .. وتكلل المجهود بنجاح مرشحنا

ونسأل الله إن الأجر ما يضيع علينا بعد كل هالتعب


يالس أتريا المدير يوصل > إماراتي مضيع

=p



.:: خالد ::..

أولاً.. مبارك البلوق مؤخراً..

صباح اليوم في الكلية,
كنّا بجانب ثلاجة العصاير والماي..
فـ إذا إحدى العاملات تسأل:
this water?
ردينا عليها بالإيجاب..
وقفت تنظر..
كسرت خاطرنا من الخاطر..
أشرت لها على أزرار الماء..
قالت:
no money !

كسرت خاطرنا وايد, الدرهم شي كبير بالنسبة لهم!
ونحن الآلاف تنصرف على توافه!

الله يرحمنا برحمته :(

مصباح ::

استانست لما شفت اسمج =)

ووو الله يبارك بحياتج ويقوينا نستمر في اليوميات هذي



أما قصتج .. فـ مؤثرة جدا للي يحط نفسه مكان العاملة

تحتار جد .. هالـ درهم .. تشتري فيه ماي بارد ؟ وإلا تخشه وتشرب ماي حار ، وتشتري بالدرهم خبز للعشا ؟

وإلا توفره وتخشه مع باجي الدراهم اللي موفرتهم حق عيالها وبترسلهم آخر الشهر ؟

ما ألومها لما وقفت محتارة جدام الثلاجة .. صج ما ألومها


يا رب لا تجعلنا ممن يبطر بالنعمة




..:: خالد ::..